आईपीएल–२०२३: राजस्थानविरुद्ध गुजरात टाइटन्सको सहज जीत

जयपुर– आईपीएलको एउटा महत्वपूर्ण खेलमा गुजरात टाइटन्सले राजस्थान रोयल्सलाई ९ विकेटले पराजित गरेको छ ।

शुक्रवार राति जयपुरमा खेलिएको खेलमा राजस्थानको टीम ११८ रनमै आउट भयो । जवाफमा गुजरात टाइटन्सले १३.५ ओभरमै एक विकेटको क्षतीमा लक्ष्य हासिल गर्न सफल भयो । गुजराजतको जीतमा स्पिनर राशिद खानको महत्वपूर्ण भूमिका रह्यो, जसले तीन खेलाडी आउट गरे ।