निजामती विधेयक: छड्के प्रवेशको प्रस्तावले कर्मचारी तरंगित, कहाँ कस्तो असर पर्छ ?

काठमाडौँ – सरकारले बहुप्रतीक्षित ‘संघीय निजामती सेवा विधेयक’ प्रतिनिधिसभामा दर्ता गरेको छ। चालु अधिवेशनको अन्त्य हुनु अघिल्लो दिन बिहीबार संसदमा पेस गरिएको यस विधेयकले निजामती प्रशासनको पुनःसंरचना, अवकाश प्रणाली, पेन्सन र पदपूर्तिका सम्बन्धमा दूरगामी असर पार्ने नयाँ प्रावधान अघि सारेको छ।

विधेयक ऐनका रूपमा लागू भएमा ५५ वर्ष उमेर वा ३० वर्ष सेवा अवधि पुगेका कर्मचारीहरूले तत्काल अवकाश पाउनेछन्। त्यसपछिको चरणमा भने कर्मचारीको अनिवार्य अवकाश उमेर हद ५८ बाट बढाएर ६० वर्ष पुर्‍याउने प्रस्ताव छ।