पानीसँगै झर्‍यो हर्कको आँसु

सुनसरी — स्थानीय चुनावमा खानेपानीको एक सूत्रीय एजेन्डा बनाएर उपमहानगर प्रमुखमा स्वतन्त्र उम्मेदवार बनेका थिए धरान–१८ बुद्धचोकका हर्कराज राई साम्पाङ । जितपछि उनले पहिलो चरणमा साना–साना खोलाखोल्सी छान मार्दै ६ महिना बिताए ।

पहिलो चरणमा उनले पहिचान गरेका ससाना मुहानहरू जब हिउँदमा सुकेर कमिला कुद्न थाले, उनी हानिए कोकाहा खोलातिर । कोकाहा धरान–२० विष्णुपादुकामा पर्छ ।