संसद् अन्त्य गरेर अध्यादेशबाट निजामती ऐन ल्याउने तयारी

काठमाडौं । संसद अधिवशेन अन्त्य हुनु अघिल्लो दिन संसदमा पेश भएको संघीय निजामती सेवा विधेयक संसद्बाट पारित गराउन समय नपुगेको तर्कसहित सरकार अध्यादेशमार्फत जारी गर्ने तयारीमा जुटेको छ ।

सरकारले प्रतिनिधिसभामा संघीय निजामती सेवा विधेयक, पेस गरेकै दिन राष्ट्रपति रामचन्द्र पौडेलले संसद्को चालु अधिवेशन १६ असोज(शुक्रवार)राति १२ बजेदेखि लागू हुनेगरी अन्त्य गरेका छन् । राष्ट्रपति कार्यालयका अनुसार मन्त्रिपरिषद्को असोज १३ गतेको सिफारिसमा अधिवेशन अन्त्य गरिएको हो ।