जीर्ण छानामा नयाँ जस्तापाता लागेपछि सुकुम्बासी बस्तीमा खुसी

वर्षौँदेखि जीर्ण छानामुनि बस्दै आएका रौतहटको चन्द्रपुर नगरपालिका–१ मङ्गलपुरस्थित सुकुम्बासी बस्ती (नयाँबस्ती) का बासिन्दा घरमा नयाँ जस्तापाता लाग्न थालेपछि खुसी भएका छन् ।

२०५० सालको बाढीबाट विस्थापित जिल्लाका बाढीपीडित परिवारलाई पुनर्वासका लागि ताइवान सरकारको सहयोगमा निर्माण गरिएको उक्त बस्तीका घरका छाना जीर्ण भएर वर्षायाममा पानी चुहिने समस्या थियो । चन्द्रपुर नगरपालिकाले जीर्ण छाना फेरेर नयाँ जस्तापाता लगाउन थालेपछि बस्तीका बासिन्दामा खुसी छाएको हो ।