खल्तीबाट घरमै बसेर ब्लुबुक नवीकरण सेवा पुन: सुरु, शुल्क पनि घट्यो

काठमाडौं । डिजिटल भुक्तानी सेवा प्रदायक खल्तीले केही महिनाअघि स्थगित गरेको ‘ब्लुबुक नवीकरण’ सेवा पुन: सञ्चालनमा ल्याएको छ । कानुनी प्रक्रियासम्बन्धी अन्योलका कारण रोकिएको उक्त सेवा अहिले पुन: नियमित रूपमा उपलब्ध रहेको कम्पनीले जनाएको छ ।

खल्तीका प्रमुख कार्यकारी अधिकृत (सीईओ) प्रवीन रेग्मीका अनुसार सरकारी कार्यालयमा हुने बिचौलियाको गतिविधि नियन्त्रण गर्न नेपाल प्रहरीले सञ्चालन गरेको अभियानपछि कानुनी अवस्था स्पष्ट नभएकाले चैतको अन्तिम सातादेखि सेवा अस्थायी रूपमा बन्द गरिएको थियो । अहिले आवश्यक स्पष्टता आएपछि सेवा पुन: सञ्चालनमा ल्याइएको उनले बताए ।