मोदीले कर्नाटक कसरी गुमाए

काठमाडौं । दक्षिणी भारतको कर्नाटक राज्यमा १० मेमा भएको मतदानपछिको एक्जिट पोलले सत्तामा रहेको प्रधानमन्त्री नरेन्द्र मोदीको भारतीय जनता पार्टी (भाजपा)भन्दा विपक्षी कांग्रेस पार्टीले सरकार बनाउने राम्रो सम्भावना रहेको अनुमान गरेको थियो । भारतीय राजनीतिमा बीजेपीको वर्चस्व र बहुमत प्राप्त नभएका राज्यमा पनि सरकार गठनमा सत्तारूढ दलको नेतृत्व पृष्ठभूमिका कारण कांग्रेस विजयी हुनेमा थोरैले मात्र पत्याएका थिए ।

शनिबार कांग्रेसले कर्नाटक विधान सभामा २२४ सिटमध्ये १३५ सिट जित्न सफल भयो । उसले ४३ प्रतिशत मत प्राप्त ग¥यो । २०१८ को अघिल्लो निर्वाचनको तुलनामा ५ प्रतिशत बढी र भाजपाभन्दा ७ प्रतिशत बढी मत कांग्रेसले पायो । २०१८ मा मोदीको पार्टीले १ सय ४ सिट जितेको थियो । यसपटक ६६ सिटमा समेटियो । जनता दल (धर्मनिरपेक्ष)वा जेडीएस राज्यको तेस्रो प्रमुख पार्टीले १९ सिट प्राप्त गरेको छ ।