सरकारको प्रवक्तामा खरेल

काठमाडौं । अन्तरिम सरकारको प्रवक्तामा सूचना तथा सञ्चारमन्त्री जगदीश खरेललाई तोकिएको छ । मन्त्रिपरिषद्को बिहीबार बसेको बैठकले खरेललाई प्रवक्ता तोकेको हो । मन्त्रिपरिषद् बैठकले छापाखाना तथा प्रकाशन ऐनअन्तर्गत अनलाइन दर्ता तथा नवीकरणका लागि तोकिएको स्थानीय अधिकारीका रूपमा काम गर्न सूचना तथा प्रसारण विभागका महानिर्देशकलाई तोकेको छ ।

सरकारका प्रवक्ता तथा सञ्चारमन्त्री जगदीश खरेलका अनुसार २३ र २४ भदौको आन्दोलनका क्रममा मृत्यु भई पहिचान खुलेका मृतक नेपाली नागरिकका परिवारलाई राहत रकम उपलब्ध गराउने निर्णय गरेको छ । २३ भदौमा मृत्यु भएका र उपचारका क्रममा मृत्यु भएकाहरूलाई शहीद घोषणा गरी १५ लाख रुपैयाँ दिने निर्णय भइसकेकामा मृत्यु भएका अन्य सम्पूर्णलाई १५ लाख रुपैयाँ दिने निर्णय गरेको छ ।