कोदो-फापरलाई विश्व बजारमा पुर्‍याउन कार्कीको जोड

काठमाडौं- नेपाल फ्रेट फरवार्डर्स एसोसिएसन (नेफा) का अध्यक्ष तथा संघीय सांसद प्रकाशसिंह कार्कीले कोदो र फापरको उत्पादन वृद्धि गरी आयात प्रतिस्थापन र निर्यात प्रवद्र्धन गर्नुपर्ने बताएका छन् ।

शनिवार दोस्रो राष्ट्रिय कोदो दिवस २०८३ को अवसरमा नेपाल कोदो तथा फापर संघद्वारा आयोजित कार्यक्रममा बोल्दै उनले नेपालले वार्षिक करिब ८५ करोड रुपैयाँ बराबरको कोदो तथा फापर आयात गरिरहेको उल्लेख गर्दै स्वदेशमै उत्पादन बढाउन सके विदेशी मुद्रा बचत हुनुका साथै निर्यात विस्तार गर्न सकिने बताए। सरकारले प्रत्येक वर्ष साउन १६ गते राष्ट्रिय कोदो दिवस मनाउने निर्णय गरिसकेको छ ।