आईपीएलमा मुम्बई इन्डियन्सको चौथो हार, बैंग्लुरु तेस्रो स्थानमा यथावत

काठमाडौं । इन्डियन प्रिमियर लिग (आईपीएल) क्रिकेटमा मुम्बई इन्डियन्सले चौथो हार बेहोरेको छ । घरेलु मैदानमा मुम्बई रोयल्स च्यालेन्जर्स बैंग्लुरुसँग १२ रनले पराजित भएको हो । पाँचपल्टको आईपीएल च्याम्पियन मुम्बईलाई हराएको बैंग्लुरुले चार खेलबाट ६ अंक बटुलेको छ ।

बैंग्लुरु तेस्रो स्थानमा यथावत छ । समान खेलबाट दुई अंक जोडेको मुम्बई आठौं स्थानमा छ । घरेलु मैदानमा बैंग्लुरुले दिएको २२२ रनको चुनौति पछ्याएको मुम्बईले नौ विकेट गुमाएर जम्मा २०९ रन मात्रै बनायो । तिलक बर्मा र कप्तान हार्दिक पाण्ड्याको आक्रामक ब्याटिङका बाबजुद पनि मुम्बईले हारको सामना गर्नु पर्‍यो । तिलकले सर्वाधिक ५६ रन बनाए । २९ बल खर्चिएका उनले चार चौका र चार छक्का प्रहार गरे ।