बागमतीमा एमालेले संसदीय दलको नेता नफेर्ने

नेकपा एमालेले बागमती प्रदेशमा संसदीय दलको नेता परिवर्तन नगर्ने निर्णय गरेको छ। यससँगै संसदीय दलका नेता जगन्नाथ थपलिया नै बागमती प्रदेशको मुख्यमन्त्री बन्ने लगभग निश्चित भएको छ।

शुक्रबार साँझ पार्टी अध्यक्ष केपी शर्मा ओली, महासचिव शंकर पोखरेल तथा बागमती प्रदेशका सीमित नेताबीच भएको छलफलपछि संसदीय दलको नेतृत्व यथावत् राख्ने निष्कर्षमा पुगेको एमाले स्रोतले जनाएको छ।