जापानविरुद्ध राफिन्हा खेल्लान् ? यस्तो हुन सक्छ ब्राजिलको सम्भावित प्लेइङ–११

काठमाडाैं । फिफा विश्वकपको अन्तिम ३२ को रोमाञ्चक खेलमा सोमबार राति ब्राजिलले जापानको सामना गर्दैछ। यस महत्त्वपूर्ण भिडन्तअघि फुटबल समर्थकहरूमाझ एउटै प्रश्न उठिरहेको छ— के स्टार विङ्गर राफिन्हा खेलका लागि फिट छन् ?

स्राेतका अनुसार तिघ्राको चोटका कारण राफिन्हा जापानविरुद्धको खेलमा सुरुवाती-११ मा देखिने सम्भावना निकै कम छ। हाइटीविरुद्धको खेलमा घाइते भएका उनी त्यसपछि स्कटल्याण्डविरुद्धको खेलमा पनि मैदान बाहिरै थिए र अहिलेसम्म टिमको बन्द प्रशिक्षणमा फर्किएका छैनन्। प्रशिक्षक कार्लो एन्सेलोटीले नकआउट चरणको खेलमै उनलाई मैदान उतारेर चोट थप बल्झिने र बाँकी प्रतियोगिता नै गुमाउनुपर्ने जोखिम मोल्न चाहँदैनन्। त्यसैले राफिन्हालाई बेन्चमै सुरक्षित राखिने सम्भावना बलियो छ।