यसपटक त ब्यवस्था बदल्ने नै हो, मलाई नै मत हाल्नुपर्‍यो : रविन्द्र मिश्र

काठमाडौं । राप्रपा नेपालका बरिष्ठ उपाध्यक्ष रविन्द्र मिश्र निर्वाचनको मिति नजिकिँदै गर्दा झनै आक्रामक प्रचार प्रसारमा लागिपरेका छन् । काठमाडौं १ का उम्मेदवार मिश्र बुधबार अनामनगरमा भेटिँदा उनले हरेक घरका मतदाताका अगाडि हात जोड्दै भने, ‘यसपटक त ब्यवस्था बदल्ने नै हो । यहाँले हुन्छ मात्रै भनेर भएन मलाई नै मत हाल्नुपर्‍यो । राप्रपालाई जिताउनुपर्‍यो ।’

निरन्तर हाँसिरहने रविन्द्रले अनामनगरका बासिन्दा डीआर राईसँग मत माग्दै भने, ‘यहाँ पनि लेखक साहित्यकार हुनुहुँदो रहेछ । हाम्रो विचार र कुरा मिल्छ । अब राजनैतिक विचार पनि मिलाउनुपर्‍यो । यहाँले मत यसपटक मलाई नै दिनुपर्‍यो ।’