एकीकृत कानुन निर्माण गर्न कानुन कार्यान्वयन मापन आवश्यक छ : परशुराम मेघी गुरुङ

काठमाडौँ । विधायन व्यवस्थापन समितिका पूर्वसभापति परशुराम मेघी गुरुङले एकीकृत कानुन निर्माण गर्न ऐन कानुन कार्यान्वयन मापन आवश्यक रहेको बताएका छन् । शनिबार बसेको विधायन व्यवस्थापन समितिको बैठकमा भएको नेपालमा ऐन कार्यान्वयन मापन : महत्व, अभ्यास, चुनौती र आगामी बाटो सम्बन्धी छलफलमा उनले कानुनको जङ्गल बनाउन नहुने बताएका हुन् ।

उनले कानुन निर्माणको उद्देश्य केवल नयाँ ऐन थप्नु नभई विद्यमान ऐन, नियम र कानुनलाई चुस्त, दुरुस्त तथा प्रभावकारी बनाउनु रहेको बताए । नेपालको विधायकी अभ्यास लामो इतिहास नभएको उल्लेख गर्दै गुरुङले विषयगत समितिमार्फत विधेयकमाथि विस्तृत छलफल गर्ने अभ्यास संविधान कार्यान्वयनपछि मात्र व्यवस्थित रूपमा अघि बढेको धारणा राखे ।