गणेशको शवको प्रतीक्षामा परिवार र स्थानीय, आजै दाहसंस्कार गरिने

सुनसरी घटनालाई लिएर सिरहाको गोलबजारमा भएको प्रदर्शनका क्रममा गोली लागेर मृत्यु भएका औरही गाउँपालिका–२ तुलसियाहीका १५ वर्षीय गणेश यादवको शव आज गाउँ ल्याइँदै छ।

शव गाउँ ल्याइने जानकारी पाएपछि गणेशका परिवारजन, आफन्त तथा स्थानीयवासी बिहानदेखि नै शवको प्रतीक्षामा बसेका छन् । गणेशको घरअगाडि ठूलो संख्यामा स्थानीयवासी, आफन्त तथा शुभेच्छुकहरूको भीड लागेको छ ।