‘पार्टीलाई एकताबद्ध गराउन नेतृत्वले लचकता देखाउन जरुरी छ’

काठमाडौँ। नेपाली कांग्रेस संस्थापनइतर समूहका नेता नारायणप्रकाश (एनपी) साउदले पार्टीलाई एकताबद्ध बनाउन वर्तमान पार्टी नेतृत्वले लचकता देखाउनु जरुरी रहेको बताएका छन्।

संस्थापनइतर समूहको सम्पर्क कार्यालय चुनदेवीमा शनिबार सञ्चारकर्मीसँग कुरा गर्दै उनले राष्ट्रिय भेला पार्टी विभाजनका लागि नभएको भन्दै वार्ता र संवादको माध्यमबाट सहमतिमा पुग्न सकिने प्रशस्त सम्भावना रहेको बताए। यसका लागि वर्तमान पार्टी नेतृत्वले लचकता देखाउनु जरुरी रहेको उनको भनाइ छ।