भलिबल सङ्घले दर्शकमाथि भएको हातपातको घटनाकाे छानबिन गर्ने, ५ सदस्यीय समिति गठन

काठमाण्डाै - सातौँ प्रधानमन्त्री कप एनभीए राष्ट्रिय भलिबल लिग प्रतियोगितामा हिजो त्रिभुवन आर्मी र गण्डकी प्रदेशबीच भएको खेलमा दर्शकमाथि भएको हातपातको घटनाकाे छानबिन हुने भएको छ ।

नेपाल भलिबल सङ्घले खेलका क्रममा भएको हातपातको घटनाकाे छानबिन गर्ने निर्णय गरेको छ । सङ्घको कार्यसम्पादन समितिको हिजो बेलुका बसेको आपत्कालीन बैठकले सङ्घका महासचिव तथा प्रतियोगिता संयोजक रोशन श्रेष्ठको संयोजकत्वमा ५ सदस्यीय छानबिन समिति गठन गरेको छ ।