बजेट अभावले राष्ट्रिय सहकारी संग्रहालय अलपत्र

चितवन । देशकै जेठो सहकारीको रूपमा परिचित बखान बहुउद्देश्यीय सहकारी संस्थाको सक्रियतामा निर्माणाधीन राष्ट्रिय सहकारी संग्रहालय बजेट अभावमा अलपत्र परेको छ । भरतपुर महानगरपालिका वडा नम्बर १९ स्थित शारदानगरमा स्थापना गर्न लागिएको संग्र्रहालयको पूरा काम नसकिँदै अलपत्र परेको हो । संग्रहालय निर्माणमा पाँच करोड रुपैयाँ खर्च भइसकेको छ । बाँकी कामका लागि बजेट निकासा नभएकाले अलपत्र परेको बताइएको छ ।

२०७४ को संघीय निर्वाचनअघि नेपाल सरकारबाट पाँच करोड रुपैयाँ निकासा भएपछि निर्माण थालिएको थियो । बजेट अभावले काम रोकिएपछि निर्माणाधीन भवन खण्डहरजस्तै भएको छ । थप बजेट निकासा हुन नसक्दा बाँकी काम अधुरै रहेको बखान बहुउद्देश्यीय सहकारी संस्थाका अध्यक्ष भक्तबहादुर गुरुङले बताए ।