नेपाली खेलकुदमा कहिल्यै खोजिँदैन हारको कारण !

अन्तर्राष्ट्रिय ओलम्पिक कमिटी (आईओसी)को छतामुनि आयोजना हुने ठूला अन्तर्राष्ट्रिय प्रतियोगिताले नेपाली खेलकुदलाई सधैं तरंगित पार्ने काम गर्छ । तर, सकारात्मभन्दा पनि नकारात्मक रूपमा ।

प्रतियोगिता शुरू हुनुअघि, ठूलो संख्यामा खेल पदाधिकारीको विदेश भ्रमणको चर्चाले माहोल तताउँछ । अनि, प्रतियोगिता शुरू भएपछि खेलाडीको निरन्तर फितलो प्रदर्शनको समाचारले अवस्थालाई असहज बनाउँछ ।