लुम्बिनी सरकारबाट बाहिरियो माओवादी

दाङ । लुम्बिनी प्रदेश सरकारबाट नेकपा माओवादी केन्द्र बाहिरिएको छ । आइतबार माओवादीबाट सरकारमा सहभागी तीन जना मन्त्रीले मुख्यमन्त्री लीला गिरीसमक्ष राजीनामा बुझाएको माओवादी केन्द्रका संसदीय दलका नेता जोखबहादुर महराले जानकारी दिए ।

लुम्बिनी सरकारमा माओवादीबाट जोखबहादुर महरा, इन्द्रजित चौधरी र कृष्णा केसी गरी तीन जना सहभागी थिए । केन्द्रमा भएको समीकरणअनुसार राजीनामा बुझाएर गृहजिल्ला रोल्पा फर्किएको महराले बताए ।