राजनीतिक नेतृत्वको कमजोरी र प्रशासनिक हठले वायुसेवा निगम थला पर्‍यो : सांसद उप्रेती

काठमाडौं । सत्तारुढ राष्ट्रिय स्वतन्त्र पार्टीका सांसद प्रशान्त उप्रेतीले राजनीतिक नेतृत्वमा जोखिम लिने क्षमता अभाव र प्रशासनिक हठका कारण राष्ट्रिय ध्वजावाहक नेपाल वायुसेवा निगम थला परेको बताएका छन् ।

अन्तर्राष्ट्रिय सम्बन्ध र पर्यटन समितिको शुक्रबार बसेको बैठकमा बोल्दै उनले नेपाल वायुसेवा निगमलाई अस्पष्ट अवस्थामा राखेर राष्ट्रिय गौरव फर्काउन नसकिने स्पष्ट पारेका हुन् ।