विरोध गर्ने परम्परागत शैली त्यागेर सरकारको आलोचक बन्न महामन्त्री आचार्यको आग्रह

काठमाडौँ। राष्ट्रिय स्वतन्त्र पार्टी (रास्वपा) का महामन्त्री विपिनकुमार आचार्यले प्रतिपक्षी दलहरूलाई विरोधका लागि विरोध गर्ने परम्परागत शैली त्यागेर सरकारको आलोचक बन्न आग्रह गरेका छन् । शुक्रबार संसद् बैठकमा मन्तव्य राख्दै आचार्यले तथ्य र तर्कका आधारमा सरकारका कमजोरी औँल्याउँदै सुधारका विकल्प दिनुपर्ने बताएका हुन्।

‘सरकारको आलोचक बनौँ, निन्दक होइन,’ उनले भने, ‘एउटा आलोचकले तथ्य र तर्कका आधारमा बाटो देखाउँछ, सुधारको विकल्प दिन्छ। तर एउटा निन्दकले केवल बाटो भत्काउँछ र समाजमा निराशा मात्र बाँड्छ।’