‘विविधतापूर्ण संस्कृति मौलिक पहिचान तथा अमूल्य सम्पदा हुन् :  प्रदेश प्रमुख गुरुङ

गण्डकी । गण्डकी प्रदेश प्रमुख पृथ्वीमान गुरुङले विविधतापूर्ण संस्कृति नेपालको मौलिक पहिचान र अमूल्य सम्पदा भएको बताएका छन् ।

सोनाम ल्होसारका अवसरमा शुभकामना सन्देश जारी गर्दै उनले यस्ता पर्व नेपाली समाजमा सद्भावना बढाउन आफ्नो धर्म, संस्कृति, रीतिरिवाज र परम्पराको संरक्षणमा महत्वपूर्ण रहेका उल्लेख गरे । यस पर्वले सद्भाव र समृद्धि बढाउन सबैलाई प्रेरणा दिने उनले सन्देशमा उल्लेख गरेका छन्।