बार्सिलोनाको रोमाञ्चक जित

काठमाडौँ । ला लिगामा शनिबार भएको रोमाञ्चक खेलमा बार्सिलोनाले रियल बेटिसलाई ५–३ ले पराजित गर्दै रोमाञ्चक जित हात पारेको छ। खेल सुरु देखिनै दुवै टोली आक्रामक शैलीमा उत्रिए पनि बार्सिलोनाको नतिजा आफ्नाे पक्षमा पार्न सफल भयाे ।

रियल बेटिसले खेलको छैटौँ मिनेटमै एन्टोनीमार्फत गोल गर्दै अग्रता लिएको थियो तर, त्यो खुशी धेरैबेर टिकेन। ११औँ मिनेटमै फरान टोरेसले बराबरी गोल गरे र त्यसपछि १३औँ र ४०औँ मिनेटमा थप दुई गोल गर्दै ह्याट्रिक पूरा गरे। बार्सिलोनाका रोनी बार्डघ्जीले ३१औँ मिनेटमा अर्को गोल थपे।