आइपीएलः पञ्जाबले चेन्नईलाई ५४ रनले हरायो
nepalipatra.com · Mon Apr 04 05:54:49 GMT 2022
एजेन्सी । १५ औं संस्करणको इन्डियन प्रिमियर लिग (आईपीएल) अन्तर्गत पञ्जाब किंग्सले चेन्नई सुपर किंग्सलाई ५४ रनले पराजित गरेको छ । मुम्बईको ब्रेबोर्न स्टेडियममा भएको खेलमा पहिले ब्याटिङ गरेको पञ्जाबले २० ओभरमा १८० रन बनाएको थियो । लियाम लिभिङस्टोनले ३२ बलमा ६० रन बनाए । यस्तै, धवनले २४ बलमा ३३ रन बनाए । जवाफमा चेन्नईको टोली १८ ओभरमा १२६ रनमा सिमित भयो ।
सिएसकेका लागि शिवम दुबेले मात्र अर्धशतक बनाए । उनले ३० बलमा ५७ रनको पारी खेले । कप्तान रविन्द्र जडेजा र मोइन अली शून्य रनमा आउट भए । चेन्नईका सात ब्याट्सम्यानले दोहोरो अंक छुन सकेनन् । उथप्पा, रायुडु, शिवम र धोनीले मात्र दोहोरो अंक छुन सके ।
स्रोतमा पूरा पढ्नुहोस् (nepalipatra.com)