कविबिच नै विवादित ‘काव्यमिलन’

नेपाल प्रज्ञा प्रतिष्ठानले १८ असोजमा आयोजना गर्न लागेको ‘शारदीय काव्यमिलन’ कार्यक्रमका लागि कविता वाचन गर्न छानिएका २२ कविमध्ये १४औँ नम्बरमा थिइन्, लक्ष्मी रुम्बा।

तर, शुक्रबार लक्ष्मीले उक्त कार्यक्रममा आफू सहभागी नहुने घोषणा गरिन्। उनले सामाजिक सञ्जाल फेसबुकमा लेखिन्, ‘यसपटकको प्रज्ञाको गठन प्रक्रियादेखि नै अलग्गै बसेको हुँदा शारदीय काव्यमिलन कार्यक्रमलगायत अन्यमा मेरो सहभागिता रहने छैन।’