दैलेखमा जेठ १३ देखि पोलियोविरूद्धको खोप अभियान

दैलेखमा यही जेठ १३ देखि २६ गतेसम्म आईपीभी खोप अभियान सञ्चालन हुने भएको छ । खोप अभावका कारण २०७३ साल वैशाखदेखि २०७५ असोजसम्म जन्मिएका बालबालिकाले यो खोप नपाएकाले खोप अभियान संचालन हुन लागेको हो ।

जिल्लाका११वटा स्थानिय तहमा करिब चौध हजार तीस सय बालबालिकाहरूलाई आईपीभी खोप लगाईने स्वास्थ्य सेवा कार्यालय दैलेखका खोप अधिकृत थिर प्रसाद रेग्मीले बताए । राष्ट्रिय खोप कार्यक्रम अन्तर्गत दैलेखमा आईपीभी खोप अभियान संचालन हुँने उनले जानकारी दिए।