नारी, श्राप र ज्ञान

रावणले रम्भालाई जबर्जस्ती बलात्कार गरेपछि उनलाई श्राप लाग्यो । श्राप थियो– रावणले कुनै पनि महिलालाई उसको इच्छाविपरीत छोएमा रावणको टाउको टुक्राटुक्रा हुनेछ । रावणले छल गरेर सीताको अपहरण ग¥यो । अपहरणपछि उसले सीतालाई आफ्नी पत्नी बन्न बिन्ती गरिरह्यो, तर मृत्युको डरले सीतालाई छोएन ।

अर्को घटना छ । रावणले आफ्नी बहिनी सूर्पणखाका पतिको हत्या ग¥यो र उनलाई बहिनीका रूपमा जहाँसुकै घुम्नसक्ने बतायो । अब श्रीमान्को हत्या भयो भने कसरी चुप बस्ने ? सूर्पणखाले भाइ रावणको मृत्युको उपाय सोच्न थालिन् । जब उनले राम, लक्ष्मण र सीता वनवासीजस्तै जीवन बिताउने कुरा थाहा पाइन्, तब उनले आफ्नो इच्छा पूरा हुने सम्भावना देखिन् । उनले सोचिन् कि रावणलाई सीताजस्तै सुन्दर महिला मात्र उनको उपपत्नी बन्न योग्य छिन् भन्ने धारणा दिइयो भने पक्के पनि उसले सीतालाई प्राप्त गर्ने प्रयास गर्नेछ ।