शिक्षक आन्दोलनः अधिकारबाट आत्मसम्मानतर्फ

काठमाडौं । नेपालको संविधानको अनुसूचीमा विद्यालय शिक्षाको एकल अधिकार स्थानीय तहमा छ । विद्यालय तहमा पढाउने शिक्षकको उपल्लो पद भनेको मावि प्रथम तह हो । यस तहको शिक्षक निजामती सेवाको ११औं तह अर्थात् सहसचिवसरहको हुन्छ ।

संघीय मामिला तथा सामान्य प्रशासन मन्त्रालयले गाउँपालिकाको प्रमुख प्रशासकीय अधिकृतका रूपमा निजामती सेवा प्रशासन समूहतर्फ राजपत्रांकित तृतीय श्रेणीको अधिकृत खटाउँछ । जुन समायोजनपछिको छैटौं तहसरहका हुन् । अधिकांश गाउँपालिकाका शिक्षा शाखाका प्रमुख त अझ पाँचौं तह (नायब सुब्बासरह)का कर्मचारी छन् ।