कोलकाता चौथो पटक फाइनलमा, हारपछि पनि हैदराबादसंग अझै एक मौका

अहमदाबाद– श्रेयस अय्यरको कप्तानी रहेको कोलकाता नाइट राइडर्स (केकेआर) ले विष्फोटक प्रदर्शन गर्दै इन्डियन प्रीमियर लीग (आईपीएल) २०२४ को फाइनलमा प्रवेश गरेको छ । केकेआरको यो आईपीएल इतिहासमा चौथा फाइनल प्रवेश भएको छ ।

मंगलवार राति केकेआरले आईपीएल २०२४ को पहिलो क्वालिफायर खेल खेलेको हो , जसमा प्याट कमिन्सको कप्तानी रहेको सनराइजर्स हैदराबाद (एसआरएच) लाई ८ विकेटले पराजित गर्न सफल भयो । यो हारपछि पनि हैदराबादको टीमले अर्को एक मौका पाएको छ र यो टीमले क्वालिफायर–२ समेत खेल्न पाउने छ ।