कोलकाता उपाधि नजिक

सनराईजर्स हैदराबादलाई हराउँदै कोलकत्ता नाईट राइडर्स इंडियन प्रिमियर लिग (आइपीएल)को फाइनलमा प्रवेश गरेको छ । मंगलबार राति सम्पन्न पहिलो क्वालिफायरमा हैदराबादलाई ८ विकेटले हराउँदै कोलकाता तेस्रो उपाधिनजिक पुगेको हो । सन् २०१२ र २०१४ मा कोकत्ताले उपाधि जितेको थियो ।

हैदराबादले दिएको १६० रनको लक्ष्य कोलकाताले १३.४ ओभरमा २ विकेट मात्र गुमाएर भेट्टायो । कोलकत्ताको जितमा कप्तान श्रेयस ऐयरले २४ बलमा ५८ रनको अविजित इनिङ खेले । यस्तै वेंकटेश ऐयर २८ बलमा ५१ रनमा अविजित रहे ।