चीनमाथि थप ५० प्रतिशत अतिरिक्त भन्सार शुल्क लगाउने ट्रम्पको चेतावनी

काठमाडौं । अमेरिकी राष्ट्रपति डोनाल्ड ट्रम्पले विश्वव्यापी अतिरिक्त भन्सार महसुल रोक्ने आफ्नो कुनै योजना नरहेको बताएका छन् । ओभल अफिसभित्र पत्रकारसँग कुराकानी गर्दै ट्रम्पले यस्तो अडान दोर्‍याएका हुन् ।

उनले बेइजिङलाई २४ घण्टा अघि प्रतिशोधात्मक शुल्क फिर्ता नलिए थप ५० प्रतिशत अतिरिक्त भन्सार महसुल थोपर्ने चेतावनी समेत दिएका छन् । ट्रम्पको यही ट्यारिफ योजनाका कारण केहिदिन यता बेइजिङको अर्थात् चीनको शेयर बजार समयमा खुल्न सकिरहेको छैन भने विश्वव्यापी रुपमा शेयर बजारमा उथल-पुथल देखिएको छ ।