गण्डकी बोर्डिङका ३ सय विद्यार्थी एकैचोटि बिरामी

पोखरा । गण्डकी बोर्डिङ स्कुलको होस्टेलका करिब ३ सय जना विद्यार्थी बिरामी परेका छन् । बिहीबार रातिको खानाका कारण उनीहरुमा फूड प्वाइजन भएको आंशका छ ।

खाना खाएको केही समयपछि अधिकांश विद्यार्थीमा झाडावान्ता, पखाला हुने, टाउको दुख्ने, पेट दुख्ने लक्षण देखा परेको थियो । उनीहरुलाई प्राथमिक उपचारका लागि स्कुल परिसरकै हेल्थ सेन्टर लगिएको थियो ।