द्रुतमार्गको सुस्त गति : १० वर्षमा आधा काम, म्याद थपियो ३ वर्ष

१६ असोज, काठमाडौं । काठमाडौं–तराई–मधेस द्रुतमार्ग आयोजना कार्यान्वयन सुस्त गतिमा छ । आयोजना कार्यान्वयन सुरु भएको एक दशकमा आधा पनि काम सम्पन्न हुन नसकेपछि सरकारले आयोजना सम्पन्न हुने म्याद तीन वर्ष थप गरेको छ ।

यो आयोजना चैत २०८३ मा सम्पन्न हुनुपर्ने थियो । उक्त अवधिमा सम्पन्न हुने निश्चित नभएपछि २० साउनमा बसेको मन्त्रिपरिषद् बैठकले द्रुतमार्गको म्याद थप गरी चैत २०८६ पुर्‍याएको हो ।