वैदेशिक रोजगारीमा जाने कामदार घटे

काठमाडौं । पछिल्लो समय वैदेशिक रोजगारीमा जाने नेपाली श्रमिकको संख्या क्रमशः घट्दै गएको छ । गत २३ र २४ भदौमा भएको जेनजी आन्दोलनपछि नेपाली कामदारकालागि प्रमुख श्रम गन्तव्य देशहरूले आप्रवासी नागरिक भित्राउन कडाइ गरेसँगै अहिले वैदेशिक रोजगारीमा जाने नेपाली कामदारको संख्या क्रमशः घट्न थालेको हो ।

वैदेशिक रोजगार विभागले सार्वजनिक गरेको मासिक तथ्यांक अनुसार गत असोज, कात्तिक महिनापछि मंसिरमा पनि श्रम स्वीकृति लिएर वैदेशिक रोजगारीमा जाने नेपाली कामदारको संख्या थप घटेको देखिएको छ ।