केही ठाउँमा ठूलो वर्षा : हेटौँडा–काठमाण्डौ जोड्ने दुई सडक अवरुद्ध

काठमाण्डौ – गएराति र हिजो बेलुकी काठमाण्डौ उपत्यकासहितका केही ठाउँमा ठूलो पानी परेको छ । ठूलो पानी परेका ठाउँका खोलानालामा बाढी आएको छ । केही ठाउँमा सडक अवरुद्ध भएको छ । वर्षासँगै पहिरो खस्दा हेटौँडा–काठमाण्डौ जोड्ने छोटो दूरीका दुई वटा सडक सडक पूर्णरूपमा अवरुद्ध भएका छन् ।

कान्तिलोकपथ सडकअन्तर्गत मकवानपुरको भिमफेदी गाउँपालिका ८ भर्लेडाँडामा हिजो दिउँसो वर्षाका कारण ढुङ्गा माटोसहितको पहिरो खस्दा सडक पूर्णरूपमा अवरुद्ध भएको मकवानपुर प्रहरीले जनाएको छ ।