मुख्य सामग्रीमा जानुहोस्

समाचार

Local

कहिले निर्माण सुचारू, कहिले बन्द

baahrakhari.com · Tue Sep 21 00:26:00 GMT 2021

दाङ । दैनिक सयौंको संख्यामा सवारी साधन आवागमन गर्ने दाङको फराकिलो सडक साँघुरिदै गएको छ । सडक स्तरोन्नतीका लागि सडक ठाउँ–ठाउँमा चिरा पारिएको छ । सडक निर्माणका लागि अस्तव्यस्त हुँदा २४ किलोमिटर दूरीको यात्रा गर्न घण्टौं लाग्ने गरेको छ । सडक निर्माणमा ढिलासुस्ती हुँदा सडकको खाल्डोमा परेर तुलसीपुर–१० राइखलियानका चुडामणि भण्डारीको मृत्यु भइसकेको छ । साँघुरो सडक, सवारीको चाप बढ्दै जाँदा सवारी दुर्घटनाको जोखिम बढ्दै गएको छ । घोराही–तुलसीपुर दुई उपमहानगरपालिका जोड्ने सडकको अवस्था हो यो ।

घोराही–तुलसीपुर सडक चारलेन स्तरोन्नतीको काम शुरू भएको करिब तीन वर्ष पुग्नै लागेको छ । तर, यस अवधिमा प्रगति भने करिब ७ प्रतिशतमात्रै छ । कोरोना महामारीलगायत कारण देखाउँदै सडक निर्माण शुरू गरिएको वषौँ बितिसक्दा पनि सडक अवस्था दिनप्रतिदिन बिग्रन थालेको छ । सडकलाई फराकिलो बनाउने काम सुस्त गतिमा हुँदा घोराही–तुलसीपुरको यात्रामा सधैँ सास्ती हुने गरेको छ । “चार लेन सडक निर्माणको काम अलपत्र बन्दा हामीले सास्ती पाएका छौँ,” तुलसीपुर–५ का गणेश विकले भने, “अलपत्र सडक निर्माण हुन लागेको खबर सुनेका छौँ, तर कतै देखिएन ।”

स्रोतमा पूरा पढ्नुहोस् (baahrakhari.com)