पोखरा बसपार्क क्षेत्रका घर नभत्काउन उच्च अदालतको अल्पकालीन आदेश

पोखरा । उच्च अदालत पोखराले पृथ्वीचोकको बसपार्क क्षेत्रमा रहेका घरहरू नभत्काउन अल्पकालीन आदेश दिएको छ । बसपार्क क्षेत्रकी स्थानीय युगनेदेवी श्रेष्ठ पालिखेले जिल्ला प्रशासन कार्यालय कास्की समेतलाई विपक्षी बनाएर रिट दायर गरेकी थिइन् ।

श्रेष्ठले बसपार्कको कित्ता नम्बर ४६ मा रहेको घर र अन्य भौतिक संरचना नभत्काउन रिट दिएकी हुन् । न्यायाधीश तेज नारायण सिंह राईको एकल इजलासले मुद्दाको अन्तिम किनारा नलाग्दासम्म उक्त संरचना यथास्थितिमा राख्न आदेश दिएको हो ।