पाकिस्तानको दाबी : अफगानिस्तानमा सैन्य कारबाही, २९ आतंकवादी मारि

काठमाडौं: पाकिस्तानले अफगानिस्तानको सीमावर्ती क्षेत्रमा सञ्चालन गरिएको सैन्य कारबाहीमा २९ जना आतंकवादी मारिएको दाबी गरेको छ। पाकिस्तान सरकारका अनुसार आइतबार र सोमबारको मध्यरातमा प्राप्त गुप्तचर सूचनाका आधारमा उक्त कारबाही गरिएको हो।

पाकिस्तानका सूचना तथा प्रसारणमन्त्री अत्ताउल्लाह तरारले सामाजिक सञ्जालमार्फत जारी गरेको वक्तव्यमा पाकिस्तानी सेनाले ड्युरान्ड लाइन नजिक सुनियोजित स्थलगत कारबाही सञ्चालन गरेको जानकारी दिएका छन्। उनका अनुसार त्यसपछि सीमावर्ती क्षेत्रमा सक्रिय प्रतिबन्धित संगठन जमात–उल–अहरार र तहरीक–ए–तालिबान पाकिस्तान (टीटीपी) का ठेगाना तथा सुरक्षित क्याम्पहरूलाई लक्षित गर्दै हवाई आक्रमण गरिएको थियो।