भीसीटीएसका ३ वर्षः १२९ खर्ब ५० अर्बको कारोबार प्रयोगकर्ता १ लाख ७४ हजार

मालवस्तु तथा ढुवानी साधनको अनुगमन प्रणाली (भेइकल एण्ड कन्साइन्मेन्ट ट्रयाकिङ सिस्टम–भीसीटीएस) संचालनमा आएको ३ वर्ष पूरा भएको छ । सरकारले २०७६ साउन १ गतेदेखि लागू गरेको थियो ।

यो अवधिमा भीसीटीएस प्रयोगकर्ताको सङ्ख्या १ लाख ७४ हजार नाघेको छ । सरकारले यसको प्रयोग अनिवार्य गरेको र व्यापार गर्ने फर्मको लागि प्रयोग गर्दा फाइदा पनि बढी हुने भएकोले भीसीटीएसको प्रयोग बढेको राजस्व अनुसन्धान विभागका उपमहानिर्दशक प्रधुम्न प्रसाद उपाध्याय बताउँछन् ।