काठमाडौंमा हिजोभन्दा आज धेरै गर्मी हुने 

काठमाडौं । काठमाडौं उपत्यकामा हिजोभन्दा आज धेरै गर्मीको महसुस हुनेछ । हिजो बिहानैबाट काठमाडौंमा बदली भएका कारण कम गर्मी भएको थियो । तर, आज बिहानैबाट मौसम सफा हुने भएकाले गर्मी पनि बढ्नेछ ।

मौसमविद् सजिना शाक्यका अनुसार काठमाडौंमा आज तापक्रम २७ देखि २९ डिग्री सेल्सियससम्म पुग्नेछ । काठमाडौंमा आज वर्षाको पनि सम्भावना रहेको छ । “वर्षा भए पनि केही समय मात्रै हुनेछ । र, सामान्य वर्षा हुने भएकाले गर्मी नै हुनेछ,” उनले स्पष्ट पारिन् ।