अमेरिकी सेनाको दाबी: इरानका दुई ड्रोन खसाल्यौँ

अमेरिकी केन्द्रीय कमान्ड (सेन्टकम) ले मध्यपूर्वमा तैनाथ आफ्ना सेनाले आइतबार इरानका दुई ड्रोन खसालेको दाबी गरेको छ।

सेन्टकमले एक्समा लेखेको छ, ‘आज मध्यपूर्वमा तैनाथ अमेरिकी सेनाले एकतर्फी आक्रमण गरिरहेका दुई इरानी ड्रोन खसालेको छ। यी ड्रोनले होर्मुज स्ट्रेटमा अन्तर्राष्ट्रिय समुद्री यातायातका लागि खतरा सिर्जना गरिरहेका थिए।’