गृहमन्त्री लामिछानेले सरकारी जमिन हडप्नेलाई निर्मम कारबाही गर्ने

काठमाडौं । व्यापारिक घराना विशाल ग्रुपले बृहस्पति विद्यासदनको नामबाट ६० वर्षका लागि लिजमा हडपेको नेपाल बाल संगठनको नक्सालस्थित २८ रोपनी ५ आना जग्गा सरकारले फिर्ता लिने संकेत दिएपछि विद्यार्थीहरूको बिजोग हुने सम्भावना बढ्न थालेको छ ।

राष्ट्रिय स्वतन्त्र पार्टीका सभापति रवि लामिछाने गृहमन्त्री भएपछि विभिन्न व्यक्ति वा संस्थाले हडपेको सरकारी जग्गा फिर्ता लिने संकेत दिएका हुन् । उपप्रधान एवं गृहमन्त्री रवि लामिछानेले मुलुकभरबाट हडपिएका सरकारी जग्गा यथाशीघ्र सरकारका नाममा फिर्ता ल्याउन निर्देशन दिइसकेका छन् ।