अर्जेन्टिना विश्वकपको फाइनलमा प्रवेश

लियोनल मेस्सीको कप्तानीमा रहेको अर्जेन्टिना विश्वकप फुटबल प्रतियोगिताको फाइनलमा प्रवेश गरेको छ । साविक उपविजेता क्रोएसियालाई ३–० ले पराजित गर्दै अर्जेन्टिना विश्वकपको फाइनलमा प्रवेश गरेको हो ।

कतारको लुसाइल रंगशालामा बुधबार बिहान सम्पन्न खेलमा अर्जेन्टिनाका लागि मेस्सीले १ र जुलियनले २ गोल गरे । मेस्सीले खेलको ३४ औं मिनेटमा पेनाल्टीमार्फत र जुलियनले ३९ र ६९ औं मिनेटमा गोल गरेर टीमलाई जित दिलाएका हुन् ।