मोरङको उखुबारीमा मृत भेटिएका राजेन्द्र १ महिनादेखि परिवारको सम्पर्कमा थिएनन्

मोरङको धनपालथान गाउँपालिका–७ स्थित उखुबारीमा बिहीबार सुनसरीको धरान उपमहानगरपालिका–३ घर भएका राजेन्द्रकुमार श्रेष्ठको शव भेटियो । ४९ वर्षीय श्रेष्ठको शव खाल्डोमा पुरेको अवस्थामा प्रहरीले उत्खनन गरेको छ ।

सो ठाउँमा बुधवार पनि पुरुषको शव उत्खनन गरिएको थियो । पहिलो शवको पहिचान अझै खुलेको छैन् । पहिलो शव निकालिएको ठाउँभन्दा करिब २५ मिटर पर फेला परेका राजेन्द्रकुमार श्रेष्ठ एक महिनादेखि परिवारको सम्पर्कमा थिएनन् ।