पेरूमा पर्यटक सवार विमान दुर्घटना हुँदा १३ जनाको मृत्यु

पेरूको नाज्का लाइन्स पुरातात्विक स्थलमाथि उड्ने क्रममा एउटा सानो पर्यटकीय विमान दुर्घटनाग्रस्त हुँदा १३ जनाको मृत्यु भएको छ। पेरूको यातायात तथा सञ्चार मन्त्रालयले विमानमा ११ विदेशी पर्यटक र दुई चालक दलका सदस्य सवार रहेको बताएको छ।

विमानमा जर्मन, इटालियन र स्पेनी नागरिक रहेका थिए। स्थानीय समय अनुसार दिउँसो १२:१० बजे पिस्को विमानस्थलबाट उडान भरेको एरोडियाना एयरलाइन्सको सेस्ना कारभान सी-२०८ विमान नाज्का सहरबाट करिब ६ किलोमिटर र नाज्का लाइन्सबाट करिब १९ किलोमिटर टाढा सोकोस क्षेत्रमा दुर्घटनाग्रस्त भएको हो।