मध्यपूर्वमा बढ्दै तनाव : अमेरिकाद्वारा अलर्ट जारी, नागरिकलाई सतर्क रहन आग्रह

मध्यपूर्वमा बढ्दो तनावका बीच बगदादस्थित अमेरिकी दूतावास र इराकको एर्बिलस्थित अमेरिकी वाणिज्य दूतावासले यस क्षेत्रमा रहेका अमेरिकी नागरिकहरूलाई मध्यपूर्व छोड्न तयार रहन सल्लाह दिँदै सुरक्षा सतर्कता जारी गरेका छन्।

'यस क्षेत्रको सुरक्षा अवस्था जटिल रहेको छ र यो अझ बिग्रने सम्भावना छ,' अमेरिकी दूतावासले एक्समा एक विज्ञप्तिमा भनेको छ, 'नागरिकहरूलाई अत्यधिक सावधानी अपनाउन र उडान रद्द हुने, अस्थायी रूपमा हवाई क्षेत्र बन्द हुने र अन्य यात्रा अवरोधहरूको सम्भावनाप्रति सचेत रहन आग्रह गरिएको छ।'