धनकुटा नगरपालिका ८ को वडा कार्यालय भवन उद्घाटन

धनकुटा । धनकुटा नगरपालिका वडा नं.८ को वडा कार्यालय भवन उद्घाटन गरिएको छ । सान्ताङको स्वारिबा टोलमा ५४ लाखको लागतमा निर्माण गरिएको दुई तले भवन आज उद्घाटन गरिएको हो ।

धनकुटा नगरपालिकाका प्रमुख चिन्तन तामाङले वडा कार्यालय भवन उद्घाटन गरेका छन् । भवन उद्घाटन गर्दै नगर प्रमुख तामाङले वडा कार्यालय भवन बनेपछि प्रशासनिक काममा सहज हुने विश्वास व्यक्त गरे । यसअघि आफ्नै वडा कार्यालय भवन नहुँदा धनकुटा नगरपालिका–७ स्थित बसपार्कमा रहेको व्यापारिक भवनबाट ८ नं.वडा कार्यालयको सेवा प्रवाह गर्ने गरिएको थियो ।