७० को दशक : राजनीतिक परिवर्तनसँगै प्राकृतिक विपद्को सामना

काठमाडौं । ५० को दशक द्वन्द्वकालीन समयका रुपमा ब्यतित भएको थियो भने ६० को दशक द्वन्द्वपछिको शान्ति प्रक्रियाका चरणमा गुज्रिएको थियो ।

त्यहीबीचमा मधेसमा आन्दोलनको राँको दन्कियो । ७० को दशकमा भने नयाँ संविधान जारी भई संघीय लोकतान्त्रिक गणतन्त्रको कार्यान्वयन प्रक्रियामा अघि बढ्यो । तर यहि दशकमा महाभूकम्प, बाढीपहिरोदेखि नाकाबन्दी हुँदै कोरोना संक्रमणको त्रासदीपूर्ण जीवन ब्यतित गर्नु पर्यो ।