तुलसीलाल र भीमदत्तको किसान आन्दोलनको विरासतलाई थप उचाइमा पुर्‍याउन ओलीको आह्वान

नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले नेपालको कम्युनिस्ट तथा किसान आन्दोलनका अग्रणी व्यक्तित्वहरू तुलसीलाल अमात्य र शहीद भीमदत्त पन्तले स्थापित गरेको किसान आन्दोलनको विरासतलाई थप उचाइमा पुर्‍याउन आह्वान गरेका छन्।

नेता अमात्य र शहीद पन्तको स्मृति दिवसका अवसरमा आइतबार वक्तव्य जारी गर्दै अध्यक्ष ओलीले यस्तो आह्वान गरेका हुन्।